فى حاله ابتلاع المواد الكاويه ماذا تفعل لانقاذ ابناؤك

فى حالة ابتلاع المواد الكاوية  -_-
.ذى البوتاس, الفنيك, ملح الليمون, الكلوريكس, الصودا الكاوية, الكلور, منظفات البيت أو مية النار..
نعمل ايه بسرعه قبل ان نذهب الى اقرب مركز لعلاج السموم.......؟؟؟؟؟؟
....
1- ممنوع‬ إحداث قىء .يعنى ممنوع اشربه ماية بملح أو لبن ببيض
أو ادوس على لسانه علشان يرجع او اديه فحم او اعمله غسيل معده او اديه ملين ..لية ؟؟
**علشان هيحس المريض بحرقان شديد جدااااااا جدااااااا فاما مش حيشرب..
او يشرب كمية قليل ...
**طيب ممكن يكون شرب شوية ونزلوا ومش قادر يرجعهم ثانى .
*يبقى اوعى تعمل له أحداث قىء علشان كده يتعرض المرىء والبلعوم والفم للمادة الكاويه دى تانى
وبالتالى هيزيد الضرر....او ممكن يعنى تدخل الماده فى مجرى الهواء وتؤدى بعد ذلك الى التهاب رئوى ...
______________

2- المفروض اعمل ايه وانا فى البيت ؟
**اشربه فنجان ‫‏لبن‬ وبس .
* طيب اللبن ليه ما ينفعش مياه ؟؟؟
ما ينفعش مياه علشان هذه المواد الكاوية ممكن تكون حمض أو قلوى ..
و ممكن يحصل تفاعل مع المياه داخل المعدة و تكون نتيجة التفاعل حرارة شديده تزيد المشكلة .. وتدمر انسجة المعده اكثر و اكثر .....
..
**طيب شوية اللبن الصغيرين دول هيعملوا ايه .. ؟؟
هيخففوا شوية من تركيز المادة إلى شربها
ولو فيه حاجة واقفة فى فمه او البلعوم او المرئ هيحركوها للمعدة
..
**.طيب ليه شوية صغيرين مش نصف كيلو لبن مثلا ؟؟
علشان ما يحصلش قئ ..
وقلنا قبل كده ان احداث قئ فى هذه الحالات خطر شديد جدااات
_______________

3- هو ما ينفعش اعادل الماده اللى شربها المريض...
يعنى لو هو شارب حمض أديله قلوى أو العكس علشان أكون ملح وماية. ؟؟
..طبعا غلط ..غلط...غلط ...انا مش فى معمل تجارب لان نتيجة التفاعل الكيميائي ده حرارة بنسبة كبيرة
وهيكون الوضع و تدمير الانسجه أسوأ. .....
______________

4- انقل المريض للهواء النقى علشان يقدر يتنفس ..
..
5- لو المادة الكاويه وقعت على هدومة يقلعها اغسل جسمه كويس ..
..
6- لو المادة دى وقعت على عينة اغسلها كويس جدااااا بالماء....لمدة ربع ساعه
*********
و بسرعه اجرى لأقرب مركز سموم لسرعة اتخاذ الاجراءات الطبيه الازمه للمريض تبعا لحالته .... مدى سمية الماده ....الكميه اللى اخذها...مدة التعرض.
*طبعا لازم اخد معى زجاجة المادة التى تعرض لها المريض
............
وقبل انهايه .. ف بلاوى بتحصل ومعتقدات خاطئه بتحصل ونبهنا عليها بدل المره 1000
_ محدش يحط بن و لا شاى ع الجروح عشان بتتلوث والخياطه فيها بتبوظ بعد كدا
_محدش يحط ع الحرق بيض ومعجون سنان .. بتموتوا الانسجه وتدمروها
_لما تلاقى حاله ممكن تكون بتاعنى من تشنجات .. متكتفهوش وتقول دا ملبوس
لا دا انت لازم تطمن انه بياخد نفسه ومبلعش لسانه
ومتقاوحش معاه ف جسمه عشان عضمه ميتكسرش بسببك

#كن_حذرا_ولاتهمل_فى_صحتك
... توعيه واحتياطات هامه من مراكز السموم الاكلينيكيه والبيئيه